Ampati: Garo Hills Autonomous District Council-ni gitcham MDC Premananda Koch, Meghalaya Indigenous Minority Scheduled Tribe Forum (MIMSTF)-ni joint secretary post-oni ong·kataha.
MIMSTF-ni president Jibananda Koch-na seatgipa chittio janapatani gita, ‘forum-ni ning·o donggipa adita sak manderangni tik ong·gija kam ka·anirangna aro ua kamrangko general executive committee-na donnue donnani gimin suk ong·jahani gimin kamko watenga ine aganaha.
“Batanggimin May 26 tariko Tikrikilla-ni BDO-ona on·gipa memorandum-o executive tom·aniko okamchenggija aro maming chanchirimaniko dakgija presidential designation stamp-ko kragija mesokaha aro niamgri soi ka·aha ine Premananda, uni segipa chittio janapaha.
“Songsalni saksa daitoko jako ra·e dilgipa ong·e kam ka·gipa ong·e, iandakgipa kragija aro togigipa kamrangko ra·chakna man·ja, uni gimin uandakgipa tol·gipa platform-o bakrimangkuna man·jawajok, uni gimin anga an·tangni constitution-ni kosako chakataha. Aro MIMSTF-oni chu·gimik ong·katsrangna tik ka·aha. Ta·raken gimik record-rangoniko an·tangni bimingko ra·galako nangnikenga ine gitcham MDC, aganaha.
