WILLIAMNAGAR: East Garo Hills a·jao hectare 114 ong·gipa a·arangko niam gri Forest department-na pala ine matnangatenba, iani bidingo jakgitele sandirokchina gita Dagal Bolmedang songni manderang, Garo Hills Youth Solidarity (GHYS) baksa Meghalaya Human Rights Commission (MHRC)-na badi ka·doangaha.
GHYS-ni president Endick Marak-ni u·iatani gitade, ia a·arangara, Dagal Bolmedang songo donggipa manderangni gue aro sal·wa baganrangsa ong·ani gimin bang·a nokdangrangan ia baganrango pangchake janggi tangtokpaengachim indiba ia a·arangko, songni manderangna maming u·iatchengani gri Territorial Forest department-na pale galaha.
2024 bilsini January jao jinma tom·aniko ong·atanio a·king Nokma, ia a·arangko palaha ine jinmana parakatani ja·mansa songni manderang, iani bidingo ma·sina man·aha ineba u·iataha. Ia a·arangko toanio, gue aro sal·wa bagan nokgiparangna maming u·iatchengani grisa toahani a·sel, bagan nokgiparang noksan ong·na nangtokaha ineba songni manderang parakataha.
Iani bidingo songni manderang, 2025 aro 2026 bilsini gisepo GHADC aro Forest department-na baditaba chang badi ka·doangahachim indiba maming ja·kurangko de·chipjaha ineba songni manderang parakataha. Right To Information (RTI) Act-ni ning·o uamang, sing·sandianirangko dakahaoba, iani bidingo tale aganchakanirangko on·jaha ineba songni manderang parakataha.
Iani bidingo GHYS-ni president Endick Marak, songni manderangna dakchake on·na a·bachengon, uni kosako Williamnagar-ni DFO, FIR ka·e ka·mikkenatna jotton ka·aha ineba songni manderang, badi ka·doangaha.
Constitution-ni Article 21 ning·o an·tangtangna janggi tangani cholko on·china didiatengon, ia a·arangko ra·anio NOC-rang, land record-rang aro ia kamko jak donggipa official-rangni gimin name sandirokchina songni manderang, MHRC-na badi ka·doangaha.
Sakki on·giparangna chel·chakaniko on·china aro ia a·ani bidingo inquiry-ko matchotkujaskal, ia a·ako ra·na on·kujachina gitaba songni manderang, MHRC-ko mol·molataha.
GHYS-ni president Endick Marak-ni u·iatani gitade, ia a·arangara, Dagal Bolmedang songo donggipa manderangni gue aro sal·wa baganrangsa ong·ani gimin bang·a nokdangrangan ia baganrango pangchake janggi tangtokpaengachim indiba ia a·arangko, songni manderangna maming u·iatchengani gri Territorial Forest department-na pale galaha.
2024 bilsini January jao jinma tom·aniko ong·atanio a·king Nokma, ia a·arangko palaha ine jinmana parakatani ja·mansa songni manderang, iani bidingo ma·sina man·aha ineba u·iataha. Ia a·arangko toanio, gue aro sal·wa bagan nokgiparangna maming u·iatchengani grisa toahani a·sel, bagan nokgiparang noksan ong·na nangtokaha ineba songni manderang parakataha.
Iani bidingo songni manderang, 2025 aro 2026 bilsini gisepo GHADC aro Forest department-na baditaba chang badi ka·doangahachim indiba maming ja·kurangko de·chipjaha ineba songni manderang parakataha. Right To Information (RTI) Act-ni ning·o uamang, sing·sandianirangko dakahaoba, iani bidingo tale aganchakanirangko on·jaha ineba songni manderang parakataha.
Iani bidingo GHYS-ni president Endick Marak, songni manderangna dakchake on·na a·bachengon, uni kosako Williamnagar-ni DFO, FIR ka·e ka·mikkenatna jotton ka·aha ineba songni manderang, badi ka·doangaha.
Constitution-ni Article 21 ning·o an·tangtangna janggi tangani cholko on·china didiatengon, ia a·arangko ra·anio NOC-rang, land record-rang aro ia kamko jak donggipa official-rangni gimin name sandirokchina songni manderang, MHRC-na badi ka·doangaha.
Sakki on·giparangna chel·chakaniko on·china aro ia a·ani bidingo inquiry-ko matchotkujaskal, ia a·ako ra·na on·kujachina gitaba songni manderang, MHRC-ko mol·molataha.
