TURA: Meghalaya a·dokoba electoral roll-rangko Special Intensive Revision (SIR) dakna siengani gimin re·anggipa June 23 tarikoni June 25 tarikona Booth Level Officer (BLO)-rangna aro BLO Supervisor-rangna SIR-ko dakani bidingo salgittamni training program-ko Tura-ni Dakopgre-o donggipa SMELC Building-o ong·atangaha.
Ia training program-ko ong·atanio, Electoral Roll Observer-rang aro dingtang dingtang election official-rangba bak ra·angaha aro SIR-ko dakani niamrang aro daitorangni gimin BLO-rangna aro BLO Supervisor-rangna agan-talate on·angaha.
Election Commission of India (ECI)-ni dongimin niamrango pangchake, electoral roll-rangko gital dake tariani bidingo BLO-rangna aro BLO Supervisor-rangna agan-talate on·na gita ia training program-ko ong·atangaha.
Special Intensive Revision-ko dakanio, dilgipako seokna gita bilsi sokgimin manderangko biming segatna nangani aro sigimin manderangko, gipin biaprangoni re·bae biming segatgiparangko ba gipin biaprangona apjitanggipa manderangni bimingrangko den·galna gita ia training program-o BLO-rangna aro BLO Supervisor-rangna agan-skie on·angaha.
