SHILLONG: Behdienkhlam Festival-ona Assam-ni Chief Minister Himanta Biswa Sarma-ko mongsonggipa sokgipa ong·e bak ra·china okamani bidingo Voice of People’s Party sing·doaha.
Butbar salo kobor ra·timgiprang baksa agangrikmitingo VPP-ni koborna ku·wattimgipa Dr AW Rani, Shah Behdeinkhalm manianina manderangna nama sikaniko on·angan baksa festival-ko organise ka·giparangko maniaona Himanta Biswa Sarma-ko okamatako gelna man·genchim ine aganaha.
Himanta Biswa Sarma-ko maniaona bakko ra·na okamataniara sima ari jolo dongenggipa manderangna namnikgijanko ra·banana gnang ine party, suk ong·gijaniko parakaha.
“Shad Behdeinkhlam, ian jatni daka-rikani bewalrangko, meli-ku·monggrike janggi tanganiko maniani ong·a. Ian mikkangchiba Meghalaya-ni manderangni gisepo meli-ku·monggrike janggi tanganio didianiko on·anggen ine VPP agankuaha.
