Shillong: Meghalaya Assembly election-na ja 16 somoirangsan dongengon BJP, sorkario rikanio chonbegipa bakrimgipa dol ong·aoni jakgittele bilakgipa dol ong·skana jotton ka·enga.
UDP-ni gitcham MLA Jemino Mawthoh-ni Syama Prasad Mookerjee-ni atchiani bilsi 125 gapaniko maniao bakko ra·e party worker-rangna aganprakanganiara mikkangchi ua ta·raken BJP-o napnaba donga ingipa kattako nakatataha. Indiba da·o dipetde BJP-ni a·gipi dilgiparang, iani bidingo mamingko agankuja.
BJP, Meghalaya-o uamangni ja·kolko bilakdapatna raken jotton ka·enga. Assam-ni Chief Minister Himanta Biswa Sarma, jean salgro-salaramni BJP-ko bilakatna kam ka·anio mongsonggipa ong·a, biko Jowai-ona Behdienkhlam Festival-o bak ra·na gita okamaha, iaranga BJP-ni Meghalaya-o uamangni ja·pangko bilakatna miksonge re·mikkanganiko mesoka.
Batanggimin election-ode BJP, election-o darang gipin dolrang baksa meligrike susajawa ine chanchie kam ka·enba BJP-ni a·gipi dilgipa A.L Hek, indine aganaha, “BJP, election-o dolsan ong·e biltangon susaigen.”
NPP-ni dilenggipa Meghalaya Democratci Alliance (MDA) sorkarini bak ong·omangba sak 60 member-ni Assembly-o BJP-ni sak 2 MLA-rangsan donga. A.L Hek aro Sanbor Shullai- iamang ong·a. Bilsi 2023 Assembly election-o BJP, ge 2 seat-rangko man·aha. NPP, ge 26 seat-rangko man·e single largest party ong·e re·baaha.
Political observer-rangni aganani gita, BJP, salgro salaram a·jao uamangni bilko ra·bana jotton ka·enga. Assam-ode BJP-an bilake chadaenge dongenga. Tripura-o Left Front-ni sorkariko ga·akate bilsi 2018-o sorkariko rikaha, indake bilsi 2023-oba bilko man·riktaiaha. Arunachal Pradesh-o BJP, majority donga. Manipur-oba uamangan sorkariko rikaha. Nagaland-oba BJP, NDPP baksa bakrima.
Indiba Meghalaya-ode regional party-rang jekai- NPP, UDP, VPP, HSPDP aro gipinrang bilaka. BJP, 2028 Assembly election-na raken tarisoenga.
UDP-ni gitcham MLA Jemino Mawthoh-ni Syama Prasad Mookerjee-ni atchiani bilsi 125 gapaniko maniao bakko ra·e party worker-rangna aganprakanganiara mikkangchi ua ta·raken BJP-o napnaba donga ingipa kattako nakatataha. Indiba da·o dipetde BJP-ni a·gipi dilgiparang, iani bidingo mamingko agankuja.
BJP, Meghalaya-o uamangni ja·kolko bilakdapatna raken jotton ka·enga. Assam-ni Chief Minister Himanta Biswa Sarma, jean salgro-salaramni BJP-ko bilakatna kam ka·anio mongsonggipa ong·a, biko Jowai-ona Behdienkhlam Festival-o bak ra·na gita okamaha, iaranga BJP-ni Meghalaya-o uamangni ja·pangko bilakatna miksonge re·mikkanganiko mesoka.
Batanggimin election-ode BJP, election-o darang gipin dolrang baksa meligrike susajawa ine chanchie kam ka·enba BJP-ni a·gipi dilgipa A.L Hek, indine aganaha, “BJP, election-o dolsan ong·e biltangon susaigen.”
NPP-ni dilenggipa Meghalaya Democratci Alliance (MDA) sorkarini bak ong·omangba sak 60 member-ni Assembly-o BJP-ni sak 2 MLA-rangsan donga. A.L Hek aro Sanbor Shullai- iamang ong·a. Bilsi 2023 Assembly election-o BJP, ge 2 seat-rangko man·aha. NPP, ge 26 seat-rangko man·e single largest party ong·e re·baaha.
Political observer-rangni aganani gita, BJP, salgro salaram a·jao uamangni bilko ra·bana jotton ka·enga. Assam-ode BJP-an bilake chadaenge dongenga. Tripura-o Left Front-ni sorkariko ga·akate bilsi 2018-o sorkariko rikaha, indake bilsi 2023-oba bilko man·riktaiaha. Arunachal Pradesh-o BJP, majority donga. Manipur-oba uamangan sorkariko rikaha. Nagaland-oba BJP, NDPP baksa bakrima.
Indiba Meghalaya-ode regional party-rang jekai- NPP, UDP, VPP, HSPDP aro gipinrang bilaka. BJP, 2028 Assembly election-na raken tarisoenga.
