TURA: Meghalaya Board of School Education (MBOSE)-ni academic calendar-ko a·dok sorkari nipiltaiachina Garo Hills Deficit School Teachers’ and Employees Association (GHDSTEA) mol·molangaha, taripiltaianio namgipa sikani gisik dongna nanga, uamangni chu·sokatanio broader consultation dongna nanga aro ranta ka·ani bang·a somoirangko nanga ine aganangaha.
Lekka porani gadangko namdapatenganio skigiparang chu·gimik dakchakaniko on·a ja·ku de·a, jeon senggnang board-ni porikka result-ko parakata, somoi gita supplementary porikkako ra·a aro admission ka·ani kamrango name dakanirang. Niamrangko taripiltaianio skigiparang, school management-rang aro gipin stakeholder-rang naksa agangrikaniko dakani ja·mansa talatna nanga ine Butbar salo Association aganangaha.
Taripiltaigipa calender-o academic-ni scheduled-ko bilongen komiataha, ia kan·dikgipa somoio skie on·enggiparang syllabus-ko matchotatna nanga, porikkarangko ong·atna nangenga, answer script-rangko name dake nina nangenga, report card-rangko tarina nangenga, school record-rangko tarina nangenga aro class dringrango skie on·angna nangenga ine Association suk ong·gijaniko aganangaha.
Aro iasan ong·ja bilsi adhao neng·takna man·gipa somoikoba komiataha ine janapangaha. Ua somoirangko skigiparang porikka ong·atgipani nangchapgipa kamrangko matchotatna jekai mongsonggipa kamrangko ka·a, tabulation, result-na tarisamsoanirang, promotion record-rang aro academic planning-rangko tarina nanga. Changgipina skie on·angani session-rangko a·bachengatna skang ia daito-rangko matchotatna skulrangna ian bilongen neng·nikani ong·naba donga mine kan·dikgipa neng·takani somoini bidingo aganaha.
Teacher association indakeba aganangtaiaha, je a·dokni taripiltaigipa calendar-o CBSE, CISCE (ICSE), Assam, Mizoram, Kerala, Karnataka aro Tamil Nadu dakgipa dal·dalgipa education board-rang baksa namen dingtangrika. Indakgipa dingtanganirang ian chatro chatrirangna gipin biaprango poraiangna nangnikenggiparangna board-rangni gisepgriko nang·nikataniko ong·katatgen dingtangmancha syllabus-ni bidingo, porikka seani somoirang, supplementary aro admission somoirango neng·nikaniko man·anggen ine janapangaha.
Taripilgipa somoirangni a·sel summer vacation mna·ani somoio bang·a community kamrangna nangchakgipa ong·naba donga ian Meghalaya a·dok gimiko giljarangni gita aro community organisation-rangni gita youth camp-rang, leadership programme-rang, me·chikrangni namroroanina kam ka·anirango aro gipin educational aro cultural program-rangna neng·nikatani ong·naba donga.
Skie on·angan baksanaba dingtang dingtang sorkarini kamrangko ka·na nangkuenga jekai election duty-rang, general survey-rang aro gipin administrative-ni kamrangko chu·sokatna nanga ine teacher-rang aganangaha. Da·o bang·a skigiparang electoral roll-na Special Intensive Revision (SIR) ong·enggipana Booth Level Officer (BLO)-rang dake kam ka·enga ine suk ong·gijaniko janapangaha.
Lekka porani gadangko namdapatenganio skigiparang chu·gimik dakchakaniko on·a ja·ku de·a, jeon senggnang board-ni porikka result-ko parakata, somoi gita supplementary porikkako ra·a aro admission ka·ani kamrango name dakanirang. Niamrangko taripiltaianio skigiparang, school management-rang aro gipin stakeholder-rang naksa agangrikaniko dakani ja·mansa talatna nanga ine Butbar salo Association aganangaha.
Taripiltaigipa calender-o academic-ni scheduled-ko bilongen komiataha, ia kan·dikgipa somoio skie on·enggiparang syllabus-ko matchotatna nanga, porikkarangko ong·atna nangenga, answer script-rangko name dake nina nangenga, report card-rangko tarina nangenga, school record-rangko tarina nangenga aro class dringrango skie on·angna nangenga ine Association suk ong·gijaniko aganangaha.
Aro iasan ong·ja bilsi adhao neng·takna man·gipa somoikoba komiataha ine janapangaha. Ua somoirangko skigiparang porikka ong·atgipani nangchapgipa kamrangko matchotatna jekai mongsonggipa kamrangko ka·a, tabulation, result-na tarisamsoanirang, promotion record-rang aro academic planning-rangko tarina nanga. Changgipina skie on·angani session-rangko a·bachengatna skang ia daito-rangko matchotatna skulrangna ian bilongen neng·nikani ong·naba donga mine kan·dikgipa neng·takani somoini bidingo aganaha.
Teacher association indakeba aganangtaiaha, je a·dokni taripiltaigipa calendar-o CBSE, CISCE (ICSE), Assam, Mizoram, Kerala, Karnataka aro Tamil Nadu dakgipa dal·dalgipa education board-rang baksa namen dingtangrika. Indakgipa dingtanganirang ian chatro chatrirangna gipin biaprango poraiangna nangnikenggiparangna board-rangni gisepgriko nang·nikataniko ong·katatgen dingtangmancha syllabus-ni bidingo, porikka seani somoirang, supplementary aro admission somoirango neng·nikaniko man·anggen ine janapangaha.
Taripilgipa somoirangni a·sel summer vacation mna·ani somoio bang·a community kamrangna nangchakgipa ong·naba donga ian Meghalaya a·dok gimiko giljarangni gita aro community organisation-rangni gita youth camp-rang, leadership programme-rang, me·chikrangni namroroanina kam ka·anirango aro gipin educational aro cultural program-rangna neng·nikatani ong·naba donga.
Skie on·angan baksanaba dingtang dingtang sorkarini kamrangko ka·na nangkuenga jekai election duty-rang, general survey-rang aro gipin administrative-ni kamrangko chu·sokatna nanga ine teacher-rang aganangaha. Da·o bang·a skigiparang electoral roll-na Special Intensive Revision (SIR) ong·enggipana Booth Level Officer (BLO)-rang dake kam ka·enga ine suk ong·gijaniko janapangaha.
