Shillong: (PTI) Shillong Lapalang Dongmadan Lane 4 -o donggipa underground water reservoir-ko rongtalatmitingo sakbonga manderang carbon monoxide bisiko rang·sitmane siaha. Rongtalatna jakkalgipa diesel pump-ni bisigrakgipa balwako rang·site siaha ine police parakaha.
Water Resources Department-ni Sub-Divisional Officer (SDO) Larrypor Roy Nongbri-ni Sonibar salo koborna parakani gita, underground reservoir-oniko chi pump ka·na jakkalgipa diesel pump-oni ong·katgipa bisi carbon monoxide-ko rang·site sakbonga manderang siaha.
Carbon monoxide namen bisigrakgipa balwa ong·a, ia balwako rang·sitman·gipa mande jolan sibokaha ine talataha. Underground reservoir, 33 feet-ni gita ning·tua.
Sianggiparangoni sakgittamde Khasi ong·a, sakgni Thangsning aro saksa Umiew-oni ong·a. Una agre sakgni adasa sianggiparangara- Nongrah Dongktieh-oni Sunil Thakuri (bilsi 34 ong·gipa) aro Umesh Thakuri (bilsi 30 ong·gipa) ong·achim.
Thangsning aro Umiew-oni sianggipa manderangni nokdang, jolni dilgiparang aro Mawkynrew-ni MLA Banteidor Lyngdoh baksa manggisiko songtang-noktangona ra·angaha.
East Khasi Hills Superintendent of Police Vivek Syiem, koborni gimin parakatengon, indine aganaha, ‘Sukrobar walni 7 ata bajimango ia obosta ong·aha. Chiakol ning·oniko chi galna napanggipa sakbri manderang generator-ni balwana rang·sitsokgija ong·e jachangaha.
Sakbrioni saksade ong·katbana man·e sepangjolo donggipa manderangko dakchakna okamaha, indake sakgni adasa chiakolo jachanggiparangko dakchakna ong·kataha. Indiba uamangba generator-ni balwako rang·site neng·nikako man·e jachangaha.
Uni ja·man State Rescue Team (SRT), sakbonga jachanggiparangko ra·ongkatna man·e North Eastern Indira Gandhi Regional Institute of Health and Medical Sciences (NEIGRIHMS)-ona sanna ra·angaha. Indiba uamang siaiaha. Manggisiko postmortem ka·ani ja·man nokdangni manderangna pakwataha.
Police, ia mamlao Rynjah police station-o mamlako segataha.
Water Resources Department-ni Sub-Divisional Officer (SDO) Larrypor Roy Nongbri-ni Sonibar salo koborna parakani gita, underground reservoir-oniko chi pump ka·na jakkalgipa diesel pump-oni ong·katgipa bisi carbon monoxide-ko rang·site sakbonga manderang siaha.
Carbon monoxide namen bisigrakgipa balwa ong·a, ia balwako rang·sitman·gipa mande jolan sibokaha ine talataha. Underground reservoir, 33 feet-ni gita ning·tua.
Sianggiparangoni sakgittamde Khasi ong·a, sakgni Thangsning aro saksa Umiew-oni ong·a. Una agre sakgni adasa sianggiparangara- Nongrah Dongktieh-oni Sunil Thakuri (bilsi 34 ong·gipa) aro Umesh Thakuri (bilsi 30 ong·gipa) ong·achim.
Thangsning aro Umiew-oni sianggipa manderangni nokdang, jolni dilgiparang aro Mawkynrew-ni MLA Banteidor Lyngdoh baksa manggisiko songtang-noktangona ra·angaha.
East Khasi Hills Superintendent of Police Vivek Syiem, koborni gimin parakatengon, indine aganaha, ‘Sukrobar walni 7 ata bajimango ia obosta ong·aha. Chiakol ning·oniko chi galna napanggipa sakbri manderang generator-ni balwana rang·sitsokgija ong·e jachangaha.
Sakbrioni saksade ong·katbana man·e sepangjolo donggipa manderangko dakchakna okamaha, indake sakgni adasa chiakolo jachanggiparangko dakchakna ong·kataha. Indiba uamangba generator-ni balwako rang·site neng·nikako man·e jachangaha.
Uni ja·man State Rescue Team (SRT), sakbonga jachanggiparangko ra·ongkatna man·e North Eastern Indira Gandhi Regional Institute of Health and Medical Sciences (NEIGRIHMS)-ona sanna ra·angaha. Indiba uamang siaiaha. Manggisiko postmortem ka·ani ja·man nokdangni manderangna pakwataha.
Police, ia mamlao Rynjah police station-o mamlako segataha.
