SHILLONG: GHADC election-na campaign ka·ani-rangchi Garo Hills-o COVID giprorona a·bachengaha ine dingtang dingtang dolrangni matnange agananiko a·dokni Deputy Chief Minister Prestone Tynsong jegalatenba, da·o dipet Garo Hills-o COVID-19 gipkujaenga ine parakataha.
Deputy Chief Minister-ni aganani gitade, GHADC election-ni somoio ding-tang dingtang political dolrang, campaign ka·a-haoba COVID-19-ko giproroatjahachim aro da·oba Garo Hills-o COVID man·giparang inditana dongkujachim.
Shillong songjinmani wilwilaosa COVID-19 man·giparang batroroba-enga ine janapatengon, da·o dipet Meghalaya a·dok gimiko COVID man·e dongenggiparang sak 857 gapengaha aro ianoni sak 618-de East Khasi Hills a·jao indiba West Garo Hills a·jaode sak 14-sankuenga ine Tynsong parakataha.
GHADC election-na campaign-ko ka·anio bang·-bata political dolrangan COVID-ni niamrangko ja·riktokjaha ine manderang matnangtokengachim ine nikna man·a.
Indake ong·engon, Meghalaya a·dokni district council-rangode 10th Schedule-ko ja·rikjani gimin aro anti-defection law dongkujani gimin je membor-ba gipin dolrang baksa bakrimna man·aia ineba Deputy Chief Minister parakataha.
BJP-ni gital MDC Promod Koch-ba NPP-chi dilenggipa Garo Hills Democratic Coalition (GHDC)-o bakrimpaengani gimin ia kattarangko Tynsong aganaha.
Unomitingo, Megha-layao gnigipa changna..
jelrorobataienggipa COVID-19 sabisi ia jani bon·achipak bilongbatnaba donga.
Ia jani gisepo a·doko COVID-19 sabisiko man·giparang hajal batnaba donga ine Health Services Director Dr. Aman Warr, mijalo koborni manderangna aganaha.
Ia apsan somoiniko, da·sikkario ong·anggimin obostarang baksa nigrikatgenchimode COVID-19 sabisi, namen namjabegipa obostaona sokangenga ine nikatna man·enga, Dr Warr aganaha.
Ua agana je March 23-oni April 17-ona, sal 25-ni gisepon, COVID man·giparang a·doko sa 680 gapangaha.
Da·sikkaride April 13-onade Covid man·gipa saksasanengkuachim aro August 5 tarikona kingkingan sak 665 case-rangsan dongaiachim, ua aganaha.
“Da·o Covid man·gipa nomborona soknade, da·sikkariode sal 115 nangachim,” Dr Warr aganaha.
