SHILLONG: Mijal Budbar salo COVID-19 man·e dongenggipa manderangoni sak 25-de Meghalaya a·dokni dingtang dingtang biaprango nampilna gita man·aha indiba ia apsan salon sak 192 manderang a·dok gimiko positive ong·skaaha.
Mijal salni bako sak 25 manderang ia COVID-19-oni nampilahani gimin da·o Meghalaya a·doko COVID-19-oni nampilgiparang gimik sak 14130 gapengaha ine health official-rang parakataha.
Budbar salni bako COVID-19-oni nampilgipa sak 25 manderangoni sak 17-de East Khasi Hills-o, sak 6-de West Jaintia Hills-o sak 1-de Ri Bhoi a·jao aro sak 1-de East Jaintia Hills a·jao ong·a.
Ia apsan salon sak 192 manderang a·doko COVID-19-ko man·skaaha aro uandaken da·o a·dok gimiko COVID-19 man·e dongenggiparang sak 1021 gapdoangskaaha.
Mijal Budbar salni bako COVID-19 positive ong·gipa sak 192 manderangoni sak 148-de East Khasi Hills-o, sak 30-de Ri Bhoi a·jao, sak 4-de East Jaintia Hills-o, sak 4-de West Garo Hills-o, sak 3-de West Jaintia Hills-o aro sak 3-de West Khasi Hills a·jao ong·a.
Meghalaya a·dok gimiko COVID-19 man·e dongenggipa sak 1021 manderangoni sak 746-de East Khasi Hills a·jao, sak 116-de West Jaintia Hills-o, sak 25-de West Khasi Hills-o, sak 85-de Ri Bhoi a·jao, sak 22-de East Jaintia Hills-o, sak 18-de West Garo Hills-o, sak 7-de South West Khasi Hills-o, sak 1-de North Garo Hills-o aro sak 1-de East Garo Hills a·jao ong·enga.
Ia apsan salon sak 3 manderang, COVID-19-ko man·e siangaha aro uamang gimikan East Khasi Hills a·jao ong·a ine kobor on·aha.
Da·o dipet Meghalaya a·dok gimiko COVID-19 man·e sianggiparang sak 157 gapskaengaha.