SHILLONG: Mijal Bristibar salni bako Meghalayao sak 180 manderang COVID-19 sabisiko man·dapaha, unomitingo sabisi man·giparangoni gipin sak 68 manderang sabisioni nampilskaaha.
Gital sabisi man·dapgiparangoni East Jaintia Hills-o sak 10, East Khasi Hills-o sak 118, Ri-Bhoi-o sak 14, South Garo Hills-o sak 1, South West Khasi Hills-o sak 3, West Jaintia Hills-o sak 31 aro West Khasi Hills-o sakgittam, gimik sak 180 manderang mijao COVID-19 sabisiko man·dapaha.
Unomitingo Bristibaro sak 68 manderang sabisioni nampilskaaha, uamangoni East Khasi Hills-o sak 53, Ri-Bhoi-o sak 2 aro West Jaintia Hills-o sak 13.
A·doko COVID-19 sabisiko man·giparang gimikchide sak 15,486 gapha, uamangoni sak 14198 manderang sabisioni nampilaha aro sak 157 manderang rasong grie COVID sabisio uamangni janggirangko gimaataha, indake COVID sabisiko man·enggiparang da·oba sak 1,131 dongengkua.