SHILLONG: Mawlai MLA aro opposition chief whip PT Sawkimie, uni dormahani 10 percent-ko Chief Minister-ni Relief Fund-na on·gil-angkuna gita ku·rachakaha.
Sorkarini, COVID-19 sabisiko dakgrikchakanio nanggipa korosrangna dakchakpana gita a·dokni MLA-rang da·sikario uamangni dormaharangko 10 percent-ko Chief Minister-ni Relief Fund-na, bilsisana on·gilna gita tik ka·tokahachim.
Indake ong·engon, uamangni on·gilani ia jaon matchotahachim, indakoba Mawlai MLA PT Sawkimie, uni dormahani 10 percent-ko on·gilangkuna chanchiaha, aro uni on·gilangkuna skaniko ua Assembly Speaker-naba seataha ine ua aganaha.
