Meghalaya 80 per sipairang COVID tika su·jok: Rymbu

SHILLONG: Home Minister, Lahkmen Rymbui Mongolbaro u·iata je 80 percent Meghalaya police personnel-rang Covid-19 tikarangko su·tokaha.
Mijalo koborni manderangna aganengon, sipairangni gisepo bang·a bang·ja Covid man·giparang donga ineba Rymbui aganaha.
‘‘Police personnel-rangni naljokgnina chinga adita cholrangkoba ra·gataha aro chinga pilak protocol-rangkon ja·rikenga,’’ Home Minister aganaha.
Indakeba nikatna gita man·a je COVID sabisini somoio police personnel-rang namemanchan frontline worker-rang ba an·pachake kam ka·giparangan ong·a, jemangkon niam pe·giparangko nirokchina gita rama sorokrango nitimanirangko dakenga.
Manderang lockdown-ni niamrangko pe·tokenga ine sing·anina aganchakengon, Hospitalrangchi re·giparangko aro pass donggipako re·a doaniko Sorkari champengna man·ja ine Rymbui aganaha.
Shillong songjinmani badiaba badiaba gittimrango lockdown-ni niamrangko pe·aniko nikenba Administration, dokkanrangkoba salgnina chipatpilaha.