TURA: South West Garo Hills a·jaoba COVID-19 ta·raken giproroengahani gimin sabisini giproroaniko champengna gita dokkanrangkoba salsa watchange kulichina gita South West Garo Hills a·jani Deputy Commissioner ge·etangaha.
Deputy Commissioner-ni u·iatani gitade, South West Garo Hills a·jani dal·dalgipa bazar antirango aro mongsongbate Garobadha, Ampati aro Mahendraganj bazar-rango manderangni jinma koros ka·aniko champengna gita dokkanrangna odd even dake nombor-rangko sualaha aro ia dokkanrang, odd even tarikni kri dokkanrangko salsa watchange kulianggen.
Sonibar aro Robibar salrangode lockdown ong·engani gimin dokkanrangko chipe donna nanggen aro salario dokkanrangko kuliengon, COVID-19-ko warachakna dongimin niamrangko ja·rikna nanggen ine South West Garo Hills a·jani Deputy Commissioner u·iataha.
