SHILLONG: Meghalaya a·doko da·o dipet chu·onga gitan oxygen-rang dongkuengani gimin manderang jajrengna nangjawa ine Bristibar salo a·dokni Deputy Chief Minister Prestone Tynsong parakataha.
Tynsong-ni u·iatani gitade, Bristibar salo ua a·doko dongkuenggipa oxygen-rangko nipilangaha aro da·o dipet a·doko chu·onga gitan oxygen-rang dongkuenga ine ua nikna man·aha.
Shillong Civil Hospital-o ta·raken oxygen generator-ni ge 6 unit-rangko kuligen aro ia unit-rangko mikkang antionin a·bachengatgnok ineba Deputy Chief Minister parakataha.
Tynsong-ni u·iatani gitade, Shillong Civil Hospital-o oxygen generator-ko a·bachengatahaode cylinder-ko nangdapani komignok aro gitchagipa cylinder-rangkoba a·dokni dingtang dingtang biaprangona sualatskna man·gnok.
Dingtang dingtang a·jani headquarter-rangonaba oxygen generator-rangko ra·baengaha aro ia oxygen generator-rang antisamangni gisepon a·dokona sokbagnok ineba Deputy CM parakataha.
