SHILLONG: COVID-19 sae sigiparangko gopanio, a·dokni je biapoba ong·chong, gopgipa manderang darangchiba maming neng·nikataniko man·jana gita sorkari iarangko nirokna nanga ine UDP Chief Advisor Bindo Lanong, a·dok sorkariko aganaha.
Lanong indakeba aganaha je, COVID-19 sabisiko man·e sianggipa mandeko gopna ra·anggipa manderang, batanggimin somoio East Khasi Hills-ni ning·on Dawki-ona manggisi ra·angmiting somoio adita manderang uamangko neng·nikatahachim. “Ua-mangni, maminggisi salanggipa gari mortuary van-ni tyre balwa jokahachim, uko tarimitingo adita manderang re·bae uamangko a·rikgalahachim. Indiba ja·mano police re·angenba dakchakeaha,” Lanong aganaha. Unigimin indak-gipa a·selrangko chagrongtaina nangjana gita Sorkari nirokatna nanga ineba Lanong aganaha.
Unigisepon, district administration, health worker-rangko neng·nikatgipa denggugipa manderangni kosako mikrakataniko on·na nanga aro uamang baksa bakrimaniko on·pachina gita songni manderangko didiatna nanga ineba UDP dilgipa aganaha.
