SHILLONG: Kolkata-ni firm ge·sa Suraksha Diagnostic Group (SDG), a·doko salantion sak 1,000 manderangko Rapid Antigen Test (RAT) ka·na am·enga ine Health and Family Welfare-ni Minister, Alexander Laloo Hek u·iataha.
“SDG-oniko anga email man·soaha. Uamang an·tangni manderangko aro test kit-ko ra·bagen, aro uamangni service-ko cluster ba locality-rangko jeon random testing ka·na nangnika, uno jakkalgen, ine Minister Hek aganataha. Aro test ka·anina tangka nangjawa ineba u·iataha.
Kolkata-ni firm, sabisi bang·batgipa jolrango badita sak positive case ba sagiparang donga, iako sandina dakchakgen.
Indake ong·engon CRPF, Hek-ni Health department-ko random testing ka·anio dakchakna mol·molataniko ra·chakataha.
“Rapid Antigen Test ka·anio chinga health department-na dakchakgen ine CRPF 67 Bn-ni Commandant Alok Bhattacharya aganaha.
