TURA: COVID-19-ni tikarangko su·ani bidingo manderangna kenjagokatani kattarangko see, social media-rango watpripraanirangko nikna man·engani gimin iandake social media-rango tol·e jangbingbangatenggipa kattarangko watjachina East Garo Hills a·jani Deputy Commissioner-ba mikrakataniko on·angaha.
Whatsapp, Facebook aro uandakgipa social media-rango, COVID-19-ni tikako su·anichi manderangna nangchakeaniko ra·baenga ine see watpripraanirangko nikna man·engani gimin East Garo Hills a·jaoba iandake jangbingbangenggipa kattarangko social media-rango watjachina Deputy Commissioner didiataha.
Sabisirangni giproroengmiting somoirango iandake manderangna tol·e jangbingbangatenggipa kattarangko watruraanina Epidemic Diseases Act 1897-ni section 54-ni ning·o ja·kurangko de·na man·a ineba East Garo Hills a·jani Deputy Commissioner mikrakataniko on·angaha.