SHILLONG: National Food Security Act (NFSA)-ni ning·o namgnirangko man·enggipa manderangna May aro June jagnini mirongrangko sualdapatgen ine Sukrobar salo a·dokni Deputy Chief Minister Prestone Tynsong parakataha.
Deputy Chief Minister-ni parakatani gitade, da·o dipet a·doko manderangni nangchongmotgipa bosturang chu·onga gitan dongkuenga aro manderang cha·ani ringani bosturangna jajrengna nangjawa.
“Meghalaya a·doko NFSA-ni namgnirangko man·enggiparang gimik sak 21,45,145 manderang donga aro uamangna ma·mong sorkari, May aro June jagnini mirongrangko on·dapataha. Ia mirongrangko sorkari bakan sualatgnok,” ine Tynsong parakataha.
Tynsong-ni parakatani gitade, re·anggipa bilsioba apsan daken ma·mong sorkari, NFSA-ni mirongrangko on·dapataha aro ia changoba NFSA-ni mirongrangko jagnina on·dapataha.