SHILLONG: COVID-19 sabisi sajinmani a·sel, sorkarini chanchisoa gita New Shillong Township-o rikenggipa gital Assembly buildingo mikkang bilsio Budget Session-ko ong·atna man·ejawaha.
Gital Assembly building-ko rikanio bak donggipa PWD-ni saksa official-ni u·iatani gitade, ia building-ko mikkang bilsi Balroro kari ja·mansa matchotnaba donga.
Da·o rikenggipa gitalgipa Assembly building-o re·baenggipa 2022 bilsini Budget Session-ko ka·chakkatna gita Meghalaya Sorkario miksongani dongachim ine nikatna man·a.
Official-ni aganani gitade, ia bulding-ko rikenggipa campus ning·o donggipa sak 100-na batpilgipa labourer-rang pilak protocol-rangko ja·rikenba kamrangko ka·enga.
Indake ong·genchimoba, nokchurako rikanio mitam nanggipa bosturangkode Bangalore aro Kolkataoniko ra·baengani gimin department, neng·nikanirangko man·enga ineba official aganaha.
“Bosturangko ra·baanio, COVID-ni a·sel lockdown-rangko ka·tokengani gimin ja·donggaatako man·enga” ine aganana baksa da·o rikenggipa building ge·sa niksenggipa ong·gen aro mittar 65 chue rikani gimin bulding-ko chel·aonin nikwatatgen ineba official aganaha.
I project-na Gong kror 127 tangkarangko chamaha, je project-kon UP-ni PSU, Rajkiya Nirman Nigram Ltd jako ra·enga.
Gital Assembly noko 2022-ni Budget Session-ko ong·atna man·ejawaha
Date:
Share post:
