TURA: North Garo Hills a·jaoba COVID-19-ko man·giparang salantian batrorobaengani gimin sabisini batrikrikaniko champengna gita district administration, May 28 tarik attam 6:00 bajioni re·baenggipa May 31 tarik pring 6:00 bajiona chu·gimik curfew-ko ra·gatangtaiaha ine u·iataha.
North Garo Hills a·jao COVID-ni giproroaniko champengna kamrangko ka·engoba sabisi man·giparang salantian batrorobaengani gimin salgnina curfew-ko ra·gatangtaienga aro ia curfew-ko ra·gatanio a·dok damsaoni damgipinona aro a·ja damsaoni damgipinona re·ruraanirangko champengatangan baksana pilak ramarangko chipe donanggen ine North Garo Hills a·jani Deputy Commissioner u·iataha.
Lockdown-ni somoio nangchongmotgipa dokkanrang aro sam dokkanrangna agrede gipin dokkanrangko kulina man·jawa aro gari gorarangba nangchongmotgipa bosturangko salruraenggipa garirang, sanna banani kamrangko ka·enggiparang aro gipin nangchongmotgipa kamrangko ka·enggiparangna agrede re·rurana man·jawa.
Lockdown-ni somoio bank aro sorkari office-rangko kulina man·gen indiba mask gangijagipa manderangde office-rangchi napna man·jawa.
Lockdown-ni somoio bostu salruragipa garirang, medical, police, civil defence & home guards, fire & emergency service, MeECL, PHE, agriculture aro veterinary, municipal, PWD, NHAI, FCI, petrol, diesel, LPG, press aro uandakgipa nangchongmotgipa manderangni re·ruraanikode champengani dongjawa ineba u·iataha.
