SHILLONG: Ri Bhoi a·jao COVID-19 man·gipa manderangko sanna banani cholrang chu·onga gita dongkuja ine opposition dolni dilgipa Mukul Sangma a·kangataha.
Bristibar salo Congress dolni dilgipa aro Opposition dolni dilgipa Mukul Sangma, Nongpoh civil hospital aro Umran-o donggipa MCH Hospital-o COVID man·gipa manderangko sanna banani cholrangko nina re·angani ja·man ia kattarangko parakataha.
“Chinga da·al Umran-o donggipa MCH hospital-ona re·ange nion ua biapo kamrangko ka·engkua ine nikna man·aha. Ia hospital-ni kamrangko sorkari ta·rakatna nangenga indiba da·o dipet ia hospital-ko chalaina man·kujaenga. Ri Bhoi a·ja gimiko da·o dipet COVID-19 man·giparangko sannani cholde Nongpoh Civil Hospital-osanengpiti,” ine Sangma parakataha.
Ri Bhoi a·jao sanna banani cholrangko nigenchimode manderangni janggirangko jokatna chu·onga gita cholrang dongkujaenga ine nikna man·a ineba Congress dolni dilgipa aganaha.
Meghalaya a·doko COVID man·e sianggiparang batroroengani gimin an·tangni suk ong·gijaniko parakatengon, Meghalaya a·dokni dingtang dingtang biaprango kam ka·giparangko aro dingtang dingtang sanna banani cholrangko bariatgenchimode bang·bata janggirangkon jokatna man·genchim ine Sangma parakataha.
Ri Bhoi-o COVID-ko warachakani cholrang chu·ongja ine Mukul a·kanga
Date:
Share post:
