Shillong: NDRF, SDRF-ni personnel-rangko man·chape sak 60-na baten manderang, East Jaintia Hills-ni Umpleng- Krem Ule-o koela kuario jachange donggipa sakdok manderangko naljokatna jotton ka·kuenga.
East Jaintia Hills-ni Deputy Commissioner, Ethelbert Kharmalki-ni NDRF-ni report-o pangchake parakatanio, ‘je kuario kam ka·giparang jachange dongengachim, ua kuarian gipin kuari baksa nangdimakon, uan 330 feet ning·tugipa ong·a aro uno chian 152 feet gapa,’ ine aganaha.
Indake ong·engon district administration, Director of Land Records-na chitti seate, damgni kuarini chi level-ko sandian survey ka·gipa team-ko watatchina mol·molataha. Bilsi 2018-19-ni somoioba Ksan -o ong·gipa a·selo apsan dakgipa obostako nikna man·aha.
Coal India Limited, Guwahati, district administration-na uamango 25 HP-ni water pump dongja ine u·iataha. Aro ia mamlako Union Ministry of Coal-ona ra·angchina agan-ku·pattiaha.
“Uni gimin chinga a·dok sorkariko, ia mamlako Coal Ministry-ona sokatchina mol·molatenga.”
Sonibar saloba gimagipa manderangko sandiangkuaha. NDRF, SDRF aro SRT-ni personnel-rang a·sel ong·gipa biapona pring 9.15 bajion sokange kamko a·bachengataha ine Kharmalki aganaha.