SHILLONG: NPP-chi rikdilenggipa MDA sorkario mongsonggipa ong·e bakrimenggipa United Democratic Party (UDP), a·doko MeECL-ni sub-station-rangko RECPDCL-ni jako chu·gimik pakwatachi bon·chongdikatgija, uo pilak neng·nikanirangko namatna kamko ka·skachina aro bilsi 25-na kingking MeECL-ni dam 25 biaprango apsan department-ni jakchin challaiangkuchina gita sorkario dabiangaha.
UDP-ni UDP General Secretary, Jemino Mawthoh, adita salrangna skango a·dok sorkarini gita MeECL-ni dam 56 substation-rangko BECIL-na, MePDCL-ni ning·o ga·akgipa biaprangoni 25 %-ko mikkang bilsi RECPDCL-ni jako on·a tik ka·giminko namnikpaa ine aganengon, “chu·gimik manchigiminko ra·rikkuani palo chu·gimikkon uamangni jako on·skachina UDP-ni gita a·dok sorkariko nangnikenga ineba parakangkuaha.
“Corporation-ni neng·nikanirangko namatchina, indiba uko bon·atskajachina. Oe beben, palgalna nangjawa,” ineba ua agandapaha.
UDP, General Secretary, iani bidingo aganangkuengon, “MeEPDCL-o kamaie on·batenggipa dam gni power station-rang chong·motan, Leshka aro Umtru-ko private challaienggipa enterprise-na pakwatenganiara, chu·gimikko pale cha·a gitan ong·a,” ine aganaha.
“Iarangko dakanichi ja·man-janggilo bak dakgriknaba gnang. Unigimin, da·o MeECL-o an·chi-pari dongode, uko namatchina aro uko gope galjoljachina,” ineba ua parakaha.
Indake ong·engon, UDP re·anggipa April 29, 2021 tariko party-ni gita ming 10 a·doko pilak neng·nikanirangni bidingo namatchina didie CM-na sedoatahachim. Uni ja·mano, ua ia mongsongbatgipa obostani bidingo a·dok sorkarini gita bon·chongdikatna kamko ka·jaenga, indiba pilakni gita namgninasa ine aganchakaha.
