SHILLONG: Shillong-oni Lok Sabha member Vincent H Pala, Prime Minister Narendra Modi-ko North-Eastern Hill University (NEHU)-na ta·raken gital Vice Chancellor-ko seoke on·china mol·molataha.
“Sak hajalni hajal chatro-chatrirangni namgnina chanchienba, NEHU-na gital VC-ko seokani mamlako nirokatchina mol·molatpaenga, ine Pala, uni PM-na seatgipa chittio janapataha.
Iana skangba Union Education Minister-na apsankon janape chitti seatahachim indiba mamingkon ja·ku de·a dongja, University-o VC dongjani a·sel namen neng·nikako man·tokenga, ineba aganataha.
“University-ni ranking bilsiprakon komiangrikrikenga. Bilsi 2017-o NAAC-ni report-o administration-ni bilgrigipa quality-ko janapaha aro dilgipa dongjani a·sel ranking tang·onako janapaha.
Una agreba bang·a dingtang dingtang department-ni teaching post bangbang ong·e dongenga, jekon da·onan gapatkujaenga aro chatro-chatrirang adita enga, ineba Pala aganataha.
