Wednesday, January 15, 2025
spot_img

GHADC-o tangka jakkalsretaniko CBI-ni am·sandiatchina NGEA, a·songni PM-ko didiata

Date:

Share post:

spot_img
spot_img

 

TURA: Garo Hills Autonomous District Council (GHADC)-na ma·mong sorkarini chamatgipa gong kror 100.71 tangka baksana 2015-16 aro 2017-20 bilsirangni gisepo Finance Ministry-ni council-na chamatgipa tangka paisa jakkalsretaniko CBI-ni am·sandiatchina gita didie, GHADC-ni Non-Gazetted Employees Association (NGEA), a·songni Prime Minister Narendra Modi-na sedoataha.

Prime Minister-na sedoatgipa chittio NGEA-ni parakatani gitade, GHADC-na chamatgipa gong kror 100.71 tangkarangoniko gong 69,21,44,816-kode dingtang dingtang project-rangna skangan oksomanaha ine GHADC-o see rakkigimin dongachim.

“2015-16 bilsio ming 1167 project-rangko Garo Hills-ni dingtang dingtang biaprango ra·gataha ine report-ode parakaha indiba ia project-rangoni bang·batan matchotchipgija dongengkua, mitamrangkode contractor-rangan matchotatgija galchipaha aro mitamde bimangan dongsrangja,” ine NGEA-ni president Senora Johny Arengh parakataha.

Garo Hills-ni dingtang dingtang biaprango ra·gatgipa gong kror 69-na batgipa project-rangni ja·mande gong 31,49,55,184 tangkarangni giminde maming see rakkianirangan dongsrangja ineba NGEA-ni president matnangataha.

NGEA-ni parakatani gitade, ia project-rangni bidingo RTI-ko ka·on, ma·mong sorkarini chamatgipa tangkarangchi, gong 5,82,51,800-ni video documentary film-ko tariaha aro gong 6,01,31,100 tangkarangchi Tura-o members hostel-ko rikaha ineba RTI report-o parakahachim. Ia minggni project-rangna dongimin somoirang bon·ahaoba da·onan ia project-rang matchotchipkujaenga indiba tangkarangkode 60 percent-ko oke ra·manaha ine NGEA-ni president parakataha.

Iarangna agreba ma·mong sorkarini gita bang·en GHADC-na tangka paisarangko chame on·atahachim ine janapatengon, 2017 bilsini December jao 28,66,40,000, 2019 bilsini June jao 13,60,00,000-ko aro 2019 bilsini March jao 31,00,40,000 tangkarang baksana 2017-2020 bilsitrangni gisepoba bang·en GHADC tangka paisarangko man·soahachim ine NGEA-ni president parakataha.

Indake ong·engon, GHADC-na chamatgipa tangka paisarangni bidingo CBI-chi am·sandiatenba, tangka paisa jakkalsretgipa manderangni kosako nanga gita ja·kurangko de·angchina NGEA, a·songni Prime Minister-ko didiataha.

spot_img
spot_img

Related articles

Women Agniveers make historic mark at Army Day parade in Pune; showcase strength, dedication

Pune, Jan 15: In a historic and empowering display, women Agniveers took centre stage at the prestigious Army...

South Korea, US, Japan stage joint air drills involving B-1B bombers

Seoul, Jan 15: South Korea, the United States and Japan on Wednesday held combined air drills, involving two...

India’s GDP growth set to further improve in 2nd half this year, market volatility to subside

Mumbai, Jan 15: India’s GDP growth is set to further improve in the second half this year due...

Gautam Adani’s take on work-life balance ‘interesting’: Harsh Goenka

New Delhi, Jan 15: Chairman of the Adani Group Gautam Adani's idea of work-life balance is "interesting", says...