AMPATI: An·tangtangna aro sakgipinrangnaba naljokaniko on·na man·na gita South West Garo Hills a·jani dingtang dingtang sorkari office-rango kamko ka·enggipa manderang, jemangan bilsi 45 batahaoba COVID-19-ni tikarangko su·e ra·kujaengachim, ta·raken tikarangko su·e ra·china gita South West Garo Hills a·jani Deputy Commissioner u·iataha.
Deputy Commissioner-ni u·iatani gitade, sorkari office-rango kam ka·enggipa manderang jemangan tikarangko su·e ra·manahachim, uamangde COVID-na chuttirangko ra·na man·gen indiba tika su·kugijagipa manderangde chuttirangko ra·na man·jawa.
Ia ge·etani South West Garo Hills a·jani ning·o donggipa block damgittamo kam ka·enggipa pilak manderangnan ong·gen ineba SWGH a·jani DC parakataha.