TURA: South Garo Hills a·jani Chokpot-o KVK-ni ong·atanggipa awareness program-o Garo Hills Autonomous District Council (GHADC)-ni Deputy Chief Executive Membor Nikman Ch Marak-ba internet gita bakko ra·angaha aro ia program-o bakko ra·angenba ua game ge·e cha·giparangko, KVK baksa nangrime, an·tangtangni gama ge·ani kamrangko namdapatchina didiangaha.
Ia program-ko KVK-ni gita online aro offline mode-o ong·atangaha aro ia program-ko ong·atanio dingtang dingtang biaprango game ge·e cha·giparang gimik sak 52, COVID-na dongimin niamrangko ja·rike bakko ra·angaha.
Ia program-ko ong·atanio GHADC-ni Deputy CEM, internet gita jinmana aganprakatengon, ong·telaigipa a·salrangchi game ge·e cha·na nangani gimin aganangenba, KVK baksa nangrime, gama ge·ani aro jilla kaani kamrangko namdapatchina songni nokni manderangko didiataha.
Ia program-ko ong·atanio Baghmara NABARD-ni DDM Khelchandran Chongtham-ba bakko ra·angengon, South Garo Hills a·jao gama ge·anirangko tang·doatna gita on·gilengani gimin game ge·e cha·giparangko mittelpilangaha aro songsalo pilakni gitan namroro silroroaniko ra·bana gita bakrime kamko ka·china game ge·e cha·giparangko didiangaha.
Ia program-ko ong·atanio dingtang dingtang kamrangni gimin KVK-ni Senior Scientist aro Head A Haribhushan baksana Agronomy-ni SMS Rike Chelchak A Sangma aro KVK South Garo Hills-ni Farm Manager Charish P Marak, game ge·e cha·giparangna agan-talate on·angskaaha.
Ia program-ko ong·atanio a·sal donchakani bosturang aro gipin bosturangkoba program-o bak ra·giparangna suale on·angjolaha.
KVK baksa bakrime gama ge·ani kamrangko namdapatchina GHADC-ni Dy CEM didia
Date:
Share post:
