TURA: East Garo Hills a·jani headquarter Williamnagar jillani mongsonggipa biap damsao manderangni re·enggipa rama ba footpath da·o be·roroangengahani a·sel ia ramako re·ruraenggipa manderang neng·nikanirangko chagrongna nangtokengaha ine Niksamso A·chik Society (NAS) parakatenba, ia ramako pilakni namgninan taripile on·china gita jolni dilgiparangko didiataha.
NAS-ni general secretary Tengrak R Marak-ni parakatani gitade, ia footpath-ara Williamnagar jillani Kusimkolgre Baptist gila nok sambaon donggipa rama ong·e jolo songdongenggipa manderangna aro ia jolo donggipa skul damsani bi·sarangna re·ruraani chol ong·engachim indiba ia footpath da·o be·rorona a·bachengengahani a·sel jolo songdongenggipa manderangna aro mongsongbate skulchi re·enggipa bi·sarangna kenchakna nangani ong·engahachim.
“Ia footpath be·na a·bachengaonin chinga joltangni MLA-na, Urban Affairs department aro gipin nangchakegipa department-ni officer-rangnaba u·iatahachim indiba darangan ia footpath-ko nirokna gisik nangjahani a·sel da·o mikka wachi karini somoio ia ramani obosta namjabatrorona a·bachengengaha,” ine NAS-ni general secretary parakatenba, ia footpath-ko ta·raken taripilchina jolni MLA aro dingtang dingtang department-ni official-rangko didiataha.
W’nagar-o footpath be·roroangenganichi neng·nikaniko man·enga: NAS
Date:
Share post:
