SHILLONG: East Khasi Hills-ni District Selection Committee-o ge 118 mang gita Lower Division Assistant (LDA) – cum – Typist-rangna bangbang ong·e dongenggipa biaprango gapatna ine batanggimin bilsi gittamna skango, kragipa manderangko kamna okamenba re·anggipa April 5-29, 2021 tarikrangon interview-ko ra·manahaoba, da·ona kingkingba interview-o chu·sokkgipa mande (candidate)-rangni bimingrangko parakatkujaengani gimin Shillong, Upper Lachumiere-ni Yvette Basan an·tangni suk ong·gijako parakaha.
Basan-ni parakatani gitade, kosako janapatgimin DSC-o ge 118 bangbang ong·e dongenggipa biaprangna batanggimin bilsi 3-na skang, chong·motan December 18, 2018 tarikon Screening Test ba Written Exam (kamna porikka)-rangko seattokmanaha aro uni ja·mano re·anggipa February 8, 2020 tarikon Typing Test-koba ong·atangjolaha.
Indake ong·genchimoba, ia chango DSC-o kamna okamanio nangana batpile jaroatskaenga ine Basan matnangatengon, East Khasi Hills-o DSC-ni gita seng·gnangan uandakgipa kamna kragipa manderangko seokangmangenchimode, da·o covid sabisina neng·nikani somoirango uamangkon kamna jakkalskana altuen man·gnokchim, ineba Basan an·tangni suk ong·gijako parakaha.
Uandake East Khasi Hills-ni Deputy Commissioner – cum – DSC Chairperson, ia mamlarangko seng·gnang nirokatna nanga, jedakode kamna nisengsoenggipa a·dokni chadamberangna cholko on·ani gita ong·pilskagen ine Basan, DSC-na interview-ni result-rangko ta·rake parakatchina dabianiko dakengon, “DSC-o ge 118 bangbang ong·enggipa biaprang ta·rakkale chadambeangko kamna seokanggenchimode, covid sabisini a·sel neng·nikaniko chagrongenggipa ge 118 nokdangrangna, komna seokako man·gipa chadamberangchin dakchakani ong·chongmotskagen,” ineba ua an·tangni chanchiako parakatjolaha.
Basan-ni parakatani gitade, kosako janapatgimin DSC-o ge 118 bangbang ong·e dongenggipa biaprangna batanggimin bilsi 3-na skang, chong·motan December 18, 2018 tarikon Screening Test ba Written Exam (kamna porikka)-rangko seattokmanaha aro uni ja·mano re·anggipa February 8, 2020 tarikon Typing Test-koba ong·atangjolaha.
Indake ong·genchimoba, ia chango DSC-o kamna okamanio nangana batpile jaroatskaenga ine Basan matnangatengon, East Khasi Hills-o DSC-ni gita seng·gnangan uandakgipa kamna kragipa manderangko seokangmangenchimode, da·o covid sabisina neng·nikani somoirango uamangkon kamna jakkalskana altuen man·gnokchim, ineba Basan an·tangni suk ong·gijako parakaha.
Uandake East Khasi Hills-ni Deputy Commissioner – cum – DSC Chairperson, ia mamlarangko seng·gnang nirokatna nanga, jedakode kamna nisengsoenggipa a·dokni chadamberangna cholko on·ani gita ong·pilskagen ine Basan, DSC-na interview-ni result-rangko ta·rake parakatchina dabianiko dakengon, “DSC-o ge 118 bangbang ong·enggipa biaprang ta·rakkale chadambeangko kamna seokanggenchimode, covid sabisini a·sel neng·nikaniko chagrongenggipa ge 118 nokdangrangna, komna seokako man·gipa chadamberangchin dakchakani ong·chongmotskagen,” ineba ua an·tangni chanchiako parakatjolaha.