SHILLONG: Ma·mongni Health aro Family Welfare Ministry-ni janapani gitade, a·song gimiko COVID-19 tikkarangko su·anio Meghalaya a·dokan ja·manchakbatenga.
A·doko mande donga gimikonin 14.6 percent manderangsan skanggipa COVID tikkarangko su·engkua aro a·songni dak 37 state aro union territory-rangni gisepo 37 gadango ong·enga.
India a·song gimiko Lakshadweep-an gimikna bate COVID tikkarangko su·aha, jeon 62.9 percent manderang COVID tikkarangko su·aha. Ja·man chakbatgipade Bihar a·dok ong·enga, jeon 9 percent manderangsan tikkarangko su·engkua.
A·songni gisepo Salgro salaram a·dokoni Sikkim brigipa gadango ong·enga, unomitingo Tripura 30.4 percent, (a·songo 8-gipa), Mizoram 28.7 percent (a·songo 11-gipa), Arunachal Pradesh 24 percent (a·songo 16-gipa), Manipur 15.6 percent (a·songo 29-gipa) Nagaland 14.9 percent (a·songo 30-gipa), uamangni ja·man Meghalaya aro Assam 11.8 percent (35-gipa gadango) ong·enga.
Ia data-ko Ma·mong June 17 tariko parakataha jeon Meghalaya-ni datade, national Covid vaccination average 16.2 percent-na bate komibatenga.
