Thursday, July 10, 2025
spot_img

M’laya-o COVID man·giparangoni 70%-de da·o songrangosa ong·skaenga

Date:

Share post:

spot_imgspot_img

 

SHILLONG: Meghalaya a·doko COVID-19 man·gipa manderangoni da·o 70 percent-de dingtang dingtang songadam nokadamrangosa ong·skaengahanin gimin da·o COVID-19, a·dokni diltubatgipa biaprangonaba giproroangengaha ine nikna man·a.

Meghalaya sorkarini meghealth.in website-o see parakani gitade, Meghalaya a·dok gimiko COVID-19 man·e dongenggipa sak 4273-oni sak 2969-de a·dokni dingtang dingtang songrangosa ong·enga.

Mongolbar salona kingking Meghalaya a·dokni dingtang dingtang songrango donggipa ge 1522 nokdangrang COVID-19-ko man·aha aro da·o dipet a·doko dam 747 songrang COVID-19 man·e dongenga ineba sorkarini website-o parakaha.

East Khasi Hills a·jao dam 124 songrang COVID man·e dongenga aro ia songrangoni gimik sak 465 manderang COVID-19-ko man·skaengahani gimin ia songrango donggipa ge 251 nokdangrang COVID-19-ko man·aha.

West Jaintia Hills a·jao gimik sak 582 manderang COVID man·e dongenga aro da·o dam 92 songrango COVID man·engani gimin ge 251 nokdangrang sabisiko man·skaaha.

West Garo Hills a·jaoba sak 406 manderang COVID man·e dongenga aro dam 93 songrang COVID-19-ko man·engahani a·sel ia songrango donggipa ge 231 nokdangrang COVID-ko man·aha.

Ri Bhoi a·jao dam 64 songrang COVID-ko man·skaaha aro ia songrangoni sak 315 manderang COVID man·e dongenga aro ge 120 nokdangrang COVID-ko man·skaaha.

South West Khasi Hills a·jao dam dam 26 songrang COVID-19-ko man·skaaha aro ia songrango gimik sak 284 aro ge 147 nokdangrang COVID-ko man·skaaha.

South West Garo Hills a·jaoba dam 93 songrango COVID man·e da·o gimik sak 238 manderang COVID man·e dongenga aro ge 104 nokdangrang COVID-ko man·aha.

West Khasi Hills a·jaoba dam 46 songrango COVID-ko man·e da·o gimik sak 159 COVID man·e dongenga aro ge 104 nokdangrang sabisiko man·aha.

South Garo Hills a·jani dingtang dingtang songrango gimik sak 119 manderang COVID man·e dongenga, indiba East Garo Hills aro East Jaintia Hills a·jani songrangode COVID man·e dongenggiparang sak 80-na komikuenga.

spot_imgspot_img

Related articles

LoP Gandhi to address key issues concerning farmers, tribals, women during Odisha visit

Bhubaneswar, July 9: Odisha Pradesh Congress Committee President, Bhakta Charan Das, on Wednesday announced that Congress MP and...

Ravi Shankar Prasad slams opposition over Bihar bandh, alleges pressure tactics on judiciary

New Delhi, July 9: Senior BJP MP and former Union Minister Ravi Shankar Prasad launched a scathing attack...

Punjab Police foil terror plot backed by Pakistan’s ISI

Chandigarh, July 9: Punjab Director General of Police (DGP) Gaurav Yadav said here on Wednesday that the state...

16th Agriculture leadership conclave: Argentina reaffirms commitment to agri-cooperation with India

New Delhi, July 9: At the two-day Agriculture Leadership Conclave 2025, Argentina underlined the importance of its deepening...