SHILLONG: Budbar saloni Bristibar salona konta 24-ni gisepon Meghalaya a·dok gimiko sak 420 manderang COVID-19-ko man·daptaiaha.
Bristibar salo COVID-19 man·dapgipa sak 420 manderangko channe da·o Meghalaya a·dok gimiko COVID-19 man·e dongenggiparang gimik sak 4424 gapangaha aro ia apsan salon sak 10 manderang COVID-19 man·e siangdapahani gimin a·dok gimiko COVID man·e sianggiparangara gimik sak 807 gapskaengaha.
Bristibar salo positive ong·gipa sak 420 manderangoni sak 21-de East Garo Hills-o, sak 9-de East Jaintia Hills-o, sak 126-de East Khasi Hills-o, sak 15-de North Garo Hills-o, sak 58-de Ri Bhoi a·jao, sak 10-de South Garo Hills-o, sak 8-de South West Garo Hills-o, sak 21-de South West Khasi Hills-o, sak 49-de West Garo Hills-o, sak 41-de West Khasi Hills-o aro sak 54-de West Jaintia Hills a·jao ong·a.
Konta 24-ni gisepo COVID man·e sianggipa sak 10 manderangoni sak 7-de East Khasi Hills-o, sak 1-de East Garo Hills-o aro sak 2-de West Jaintia Hills a·jao ong·a.
Ia apsan salon gimik sak 298 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 41,647 gapskaengaha.