SHILLONG: Meghalaya a·doko batanggimin konta 24-ni gisepo sak 577 manderang COVID sabisiko man·dapaha aro sak 250 manderang nampilskaaha aro ia apsan somoion sak 6 manderang COVID sabisio siangdpaha.
Sak 577 COVID sabisi man·dapgiparangoni EKH-o sak 157, Ri-Bhoio sak 260, WGH-o sak 34, WKH-o sak 27, EJH-o sak 24, WJH-o sak 21, NGH-o sak 16, SWKH-o sak 14, EGH-o sak 12, SGH-o sak 6 aro sak 6 SWGH-oni ong·a.
Apsan salon, COVID sabisi man·giparangoni sak 250 nampilskaaha, uamangoni Ri-Bhoio sak 71, EKH-o sak 70, WJH-o sak 45, WGH-o sak 16, EGH-o sak 12, NGH-o sak 11, SWGH-o sak 8, WKH-o sak 7, SWKH-o sak 6, SGH-o sak 3 aro saksa EJH-oni.
Unomitingo batanggimin konta 24-ni gisepo Meghalaya a·doko sak 6 manderang COVID man·e siangtaiaha. Uamangoni sakgni West Jaintia Hills-oni, sakgni West Khasi Hills-oni, saksa South West Khasi Hills-oni aro East Khasi Hills-oni saksa.
Meghalaya a·doko COVID sabisiko man·giparang gimikchi sak 50,090 gapangaha, uamangoni sak 44,709 manderang sabisioni nampiltokaha aro sak 844 siangaha. COVID sae donggiparang a·doko da·o sak 4,537 dongengkua.
