SHILLONG: Gari para salgiparangni gitcham grorangko matchotatna gita One-Time Settlement (OTS) scheme-ko ra·gate on·ahani gimin a·dok sorkariko mittelpilskana gita Budbar salo Khasi aro Jaintia Hills Transport dolrangni Joint Action Committee (JAC), dingtangmancha felicitation program-ko Shillong-o ong·atangaha.
Ia program-ko ong·atanio JAC-ni dilgiparang, a·dokni Chief Minister Conrad K Sangma, Deputy Chief Minister Prestone Tynsong aro sakgipin Deputy Chief Minister Sniawbhalang Dhar-na mande ra·pilskaaniko dakangaha.
Ia OTS scheme-ko 2026 bilsini May 27 tariko sorkarini ra·chakani ja·man, June 11 tarikoni a·bachengataha aro ia scheme-ni ning·o Motor Vehicle Tax aro Goods & Passenger Tax-ni grorangko 80 percent-ona kingking aro Fitness Certificate-o gro donggiparangnaba 90 percent-ona kingking watani donga.
Official-rangni u·iatani gitade, da·o dipet bol 65,000-mangni gita garirang, kajina gamanio grorang dongkuenga aro ia garirangoniko man·na nangkuenggipa grorangara, gong kror 1,043-mang ong·a. Ia scheme-ni ning·o a·dok sorkari, kror 926-mangni gita grorangko wate, gong kror 117-ko man·pilna gita nisan ka·enga aro ia 2026 bilsini June 26 tarikona kingkingde gong kror 4.48-ko man·aha.
Ia scheme-ko sorkari, August 31 tarikona kingking on·enga.
Ia program-ko ong·atanio a·dokni Chief Minister, jinmana aganprakangengon, bang·bata changon, manderangni nangnikani gita kamrangko chu·sokate on·na man·jaon manderang, politician-rangko matnangtoka aro iandake manderangni namgnina kamrangko chu·sokate on·genchimoba mitamrangsan mittelpilanirangko dakrongaiani gimin ian sorkarina namen dingtangmanchagipa ong·a ine aganaha.
OTS scheme-ni miksonganirangko talate on·angskaengon, hajalni hajal nokdangrangni namgnina chanchie a·dok sorkari, gong kror 850-oni gong kror 1000-mang ong·na sipile grorangko wataha ine Chief Minister parakataha.
OTS scheme-ko ra·gate on·anina Transport dolrang, sorkariko mittelpila
Date:
Share post:
