AMPATI: Bristibar salo, Meghalaya a·dokni Health Minister AL Hek, South West Garo Hills a·jaona re·baenba, a·jani Deputy Commissioner Ch Ramakrishna aro health official-rang baksa Ampati circuit house-o tom·e, da·o gittamgipa changna COVID-19-ni giprorotaianiko champengna tarisamsoanirangko nipilangaha.
A·dokni Health Minister baksana Shillong-ni DHS (MI) Dr Aman War aro health department-ni gipin official-rangba South West Garo Hills a·jaona re·bae, COVID-ko warachakna tarisamsoanirangko niangaha.
Iana skang, a·dokni Health Minister, Ampati Civil Hospital-onaba re·ange hospital-o man·enggipa sanna banani cholrangkoba niangaha.
South West Garo Hills a·jani official-rang baksa tom·anio a·dokni Health Minister AL Hek, jinmana aganprakengon, a·jao COVID-ko warachakanio dakchakanirangko on·na aro nanganirangko nie man·a gita dakchakanirangko on·na gitasa ua re·baaha ine parakangenba, South West Garo Hills a·jao COVID-ko warachakna tarisamsoanirangko ua chu·ongnike aganangaha.
District Health & Medical Officer Dr Lily Sengme Ch Marak-ni hospital-o nangdapanirangko agananikoba ua knatime ra·angaha aro man·a dipet pilak dakchakanirangko on·na ku·rachakangaha.
Mahendraganj-o rikna manchigimin Maternity & Child Hospital-ko rikanio ja·manchakengani giminba Health Minister, an·tangni suk ong·gijaniko parakangaha aro man·a dipet ta·raken a·arangko ra·china gita a·jani official-rangko didiangaha.
SWGH-o gittamgipa changna Covid-ni giproroaniko champengna tarisamsoaniko Health Minister nianga
Date:
Share post:
