TURA: Health & Family Welfare department-ni u·iataniko man·soahani gimin South West Garo Hills a·jani dingtang dingtang sorkari office-rango kamko ka·enggipa manderangko ta·raken tikarangko su·e ra·china gita South West Garo Hills a·jani Deputy Commissioner Ch Ramakrishna didiataha.
Iani bidingo u·iataniko on·atengon, department-tangtango kam ka·enggiparangni tika su·a su·gijaniko department-ni dilgiparangan nirok nanggen aro tika su·gimin manderangni bidingo see rakkina nanggen ine SWGH a·jani Deputy Commissioner u·iataha.
Je manderangan, tikarangko su·jaengachim, an·tangtangni aro gipinrangni naljokgnina sal 10-prakon an·tangtangko porikka ra·e niskachina gitaba Deputy Commissioner u·iataha.
