SHILLONG: A·doko COVID positivity da·oba komikujaengani gimin, A·doko tourism-ko kuliatna gita Meghalaya sorkari da·odipetode maming chanchiani dongkujaenga.
Sing·anirangna aganchakengon, a·doko da·ochacha tourism-ko kuliatna gita ian seng·ani kam ong·jaenga aro tourism-ko kulie on·nade COVID positivity rate komibeoba 5 percent-rangona tang·onna nanggen ine Chief Secretary MS Rao Sombaro aganaha.
“COVID positivity rate an·ching da·omangba 10% mang ong·engkua,” Rao aganaha.
Indakeba nikatna man·a je, a·doko batanggimin anti gimikan positivity rate 10.97 percent ong·e dongaiaha.
COVID-ni a·sel bilsisa ong·nasipile A·doko tourism-ko chipatani ja·mano, sabisirang on·tisa komiangani gimin da·sikkari December 21-oni tourism-ko a·bachengatahachim indiba gnigipa changna COVID sabisi a·dokona sokbataiani gimin pil·tai tourism-ko dontongataha, jeon adita bilsirangna skangde a·dokni tourism sector namen tang·doangengahachim.
Sabisi sajinmani a·sel, a·doko hotel chalaigiparang aro tourism-o pangchake janggi tanggipa manderang uamangni janggi tanganio namen neng·nikaniko man·aha aro jemangan A·dok Sorkarini dakchakaniko nichake dongenga.
Sabisi sajinmani a·sel a·dok, baditana noksan ong·aha ine sing·anina aganchakengon, a·dokna bang·en gimaani ba noksan ong·aha indiba baditana noksan ong·aha uarangko da·ode ma·sikuja ine Chief Secretary aganaha.
