SHILLONG: Meghalaya a·doko Animal Husbandry aro Fisheries department-ni kamrangko tang·doatna gita Sombar salo, a·dokni Chief Minister Conrad K Sangma, Union Minister Giriraj Singh-ko gronge agangrikangaha.
Salgro salaramni pilak a·dokrangon Cattle Feed Mill-rangko kulina aro dingtang dingtang na·tok jilchakgipa biaprango dingtang dingtang rokomni na·tokrangko jilna man·na gita ua dingtangmancha proposal-koba Union Minister-na on·angjolaha.
Meghalaya a·doko Animal Husbandry aro Fisheries department-rangni kamrangko tang·doatanichi a·doko sonngdongenggipa manderangna janggi tangani cholrangko on·na man·na gita a·dok sorkarini bi·aniko knachakchina gitaba ua Union Minister-ko didiangaha.
Animal Husbandry aro Fisheries department-rangan a·doko songdongenggipa manderangna aro mongsongbate songadam nokadamrango songdongenggipa manderangna janggi tangani cholrangko on·na man·gipa kamrang ong·ani gimin a·dokni manderangna namen nangchongmotgipa ong·achim ine nikna man·a.
Union Minister Giriraj Singh-ko grongeani somoio Meghalaya a·dokni Deputy Chief Minister Prestone Tynsong-ba dongpae bak ra·angaha.
Animal Husbandry aro Fisheries-ko tang·doatani bidingo M’laya CM, Union Minister baksa agangrika
Date:
Share post:
