TURA: Budbar pring 8:45 bajimango adita ta·rake banggrianganichi manderang kenjagokatako man·angtokaha.
National Centre for Seismology-oni koborko on·ani gita ia banggriani mongsonggipa biapara Tura-ni salgrochipak km 71-mang chel·gipa biapo ong·ahachim aro ia banggriani ta·rakaniara 5.3 magnitude ong·ahani a·sel ia banggrianiko Meghalaya, Assam aro Bangladesh a·songoba ma·sina man·aha.
Garo Hills-ni bang·bata biaprangon banggriani bewalan ta·rakangahani gimin mitam biaprangode nokrango be·srianirangko nikna man·aha ine kobor on·timgiparang u·iataha.