SHILLONG: Meghalaya a·doko dal·batsranggipa bazar anti cha·ram Shillong songjinmani Bara Bazar ba Iewduh-o be·en aro na·tok palgipa dokkanrangko, COVID-na dongimin niamrango pangchake kulipilgnok.
Sonibar salo East Khasi Hills Deputy Commissioner-ni u·iatani gitade, Bara Bazar-o be·en aro na·tok palgipa dokkanrangko salprako 15 percent-na batgija kulianggen indiba me·su samjak palgipa dokkanrangkode kulina on·kujawa.
Nangchongmotgipa aro soninggipa bosturangko palenggipa dokkanrangko antio changgni kulina on·gen indiba gipin dokkanrangkode antio changsasan kulina on·angkugen ineba East Khasi Hills-ni Deputy Commissioner u·iataha.
Dokkanrango dongtimgiparangni aro dokkan nokgiparangni tika su·a su·gijaniko dokkanrango see tape donna nanggen aro je manderangan tikarangko su·na nangnikjaengachim, sal 10-prakon RT-PCR test-ni negative report-ko on·skana nanggen ineba DC u·iataha.
Bara Bazar-ko re·anggipa June 18 tarik dipet district administration kulipiltaiahachim aro ia bazar-o donggipa dam 4000-mangoni dam 1222 dokkanrangkosan da·o dipet sualgrike kulina on·engkuachim.