TURA: West Garo Hills a·jao kni ratgipa dokkanrangko Mongolbar sal dipet, COVID-ko warachakna dongimin niamrangko ja·rike antio salbri ka·e kulianggnok.
West Garo Hills a·jani Deputy Commissioner Ram Singh-ni u·iatani gitade, West Garo Hills a·jao kni ratgipa dokkanrangko Mongolbar saloni Sukrobar salona pring 7:00 bajioni attam 4:00 bajiona kulianggnok.
Kni ratgipa dokkanrango kam ka·enggiparang, fever, gusuani ba uandakgipa saanirang donggenchimode noktangtangon dongchina aro porikkarangko ra·e nichina gita DC u·iataha aro kni ratengmiting somoio rattimgipa aro rate ra·enggipa mande sakgnikon N-95 ba mitap gittam donggipa mask-rangko ganchina didiataha.
Kni ratgipa dokkanrango dokkan nokgiparang an·tangtangan, jaksuani bosturangko aro sanitiser-rangko donan baksana dokkano tika su·a su·gijaniko tape donchina gitaba DC u·iataha.