TURA: Robibar walo me·chik bi·sa saksako drae til·ekani gimin Sombar salo police-rang, mande sakbriko South Garo Hills a·jaoniko rim·aha ine kobor on·aha.
Koborko on·ani gitade, ia me·chik bi·sako, ia mande sakbrioni saksa gario roramna ine okamatenba, ja·mano uamang sambao donggipa gopramona me·chik bi·sako rimange drae til·ekaha.
Ia a·selni bidingo police-rangna kobor on·aton, dos dakgipa manderang kate jokna jotton ka·ahachim indiba dos dakgipa manderangko police-rang Sombar pringo rim·na man·aha.
South Garo Hills a·jani Superintendent of Police (SP) Rituraj Ravi-ni kobor ra·timgiparangna u·iatani gitade, ia a·selni bidingo police-rangna u·iatani ja·man bakan police-rang, dos dakgipa manderangko rim·na re·angahachim indiba uamang police-rangko niksoe kate chakna jotton ka·ahachim. Indiba dos dakgipa manderangko police-rang Sombar pringo rim·na man·aha ine SP parakataha.
Ia manderangko POCSO aro dingtang dingtang dongimin niamrango pangchake rim·aha ineba SP u·iataha.