TURA: Garo Hills-o aro mongsongbate Tura jillao bading chiwale cha·enggipa manderangni namgnina kamrangko ka·na man·na gita Meghalaya Chamber of Commerce (MCC)-ko gital dake songpiltaienba, ia dolni gital dilgiparangko seokangaha ine u·iataha.
Tura-o ia Meghalaya Chamber of Commerce-ko dilna gita seokako man·gipa manderangara, president-na Wilver Greham M Danggo, vice president-na Pradeep Bhansali, Anand Roy, Anish M Sangma aro Parman R Marak, general secretary-na Arup Nag, joint secretary-na Patcheng T Sangma, Rajesh Barman, Tonang Sangma aro Nepal Saha, accountant-na Mithilesh Roy, treasurer-na Shashi Prakash Paul, organising secretary-na Sagar Ghosh aro Rakrak Marak aro sak 16 executive membor-rang ong·a.