Assam sima-ari golmalko dal·e ra·china Cong, a·dok sorkariko mol·molata

Shillong: (UNI) Meghalaya-o Opposition Congress Butbaro agana, Meghalaya-Assam sima ario a·ani bidingo ong·a  obostarang namen ken·begnigipa ong·aha, uni National People Party (NPP)-ni rikgipa sorkariko iani bidingo dal·e ra·china aro  ta·raken inter-state-o a·ani bidingo golmal ong·ako namatna jotton ka·china mol·molataha.
Da·o chingni nikna man·ani gita gitalgipa a·ani gimin golmal ong·ako nikaha jean dam 2 a·dokni melie nanggrimaniko dingtanggrikatani ong·aha, ine Congress-ni palo agantimgipa a  Zenith M. Sangma aganaha.
Give and take policy-chiko niate ia sima arini mamlako ta·rake nanggrimataniona sokat-bachina, Senior Congress Legislator  agana, dingtang dingtang dakna nangani-rangko dakna nangenga  .  Re·anggimin bilsirang bang·a changon Chief Ministerial aro   Chief Secretary level-o aro Deputy Commissioner aro da·o ong·eng-gipa sorkar iani bidingo tom·aniko dake chanchi-rimaniko dakangaha.
Congress-ni sorkariko chalaiani somoiba bang·a tom·anirang aro nangting-grikanirang ong·aha aro indakgipa bang·a a·sel-rangko nikangna man·aha ine Sangma agandapaha.
Re·baenggipa golpani-rang jeon Chief Minister Conrad Sangma  aro Assam Assam counterpart Himanta Biswa Sarma-ni gisepgriko ong·ani chol dongaha, indiba Congress legislator-ni chanchiani gita ia obostarangra mat-chotaniko nikatjaha jean a·dok dam 2-ni sima arini bidingo ong·aha.
A·dok damgnini Chief Minister-rang July 23 tariko Shillong-o tom·aniko dakgen, jeon sima ario ong·enggipa obostarangko maidakgipa cholchi namatna man·gen, uni gimin chanchirimaniko dakgen.
Congress legislator agana, indakgipa sima ario donggipa a·ani gimin golmal ong·anira namen dal·begipa aro ken·beani ong·a , uni gimin ia a·sel ong·aniko namatna gita gimik stakeholder-rang aro gimik political party-rangni apsan ku·monge chanchirimanichi ong·na man·gen.
Battanggimin bilsirango, Meghalaya lekkarangko aro maps ba nisanrangko done on·aha, jeon 12 sectors/Upper Tarabari, Gizang Reserve Forest, Hahim, Langpih, Borduar, Boklapara, Non-gwah-Matamur, Khanapara-Pillangkata, Deshdemoreah, Block I aro  Block II, Khanduli-Psiar aro Ratacherra dongchapaha.
Gimik gimang a·anio dingtanggrikanira 2,765.14 square km ong·aha, unoni Blocks I aro II 1,583.42 square km-ko man·gopaha.
Meghalaya Assembly jekon March 2011 bilsio ong·atahachim, uno resolution-ko passed ka·aha jeon ma·mong sorkariko Boundary Commission a·bachengatchina aganaha, jedakode nipiltainiko dake porika ka·taina aro a·dok damgnini gisepgriko inter-state sima ariko donna man·gen.
Assam Assembly gipingipa resolution-ko ra·gattaiaha, jean  Meghalaya-ni resolution baksa apsangipa ong·ja.

Get real time updates directly on your device, subscribe now.

Comments are closed.