EJ Hills-o HNLC sak 2-ko rim·a

SHILLONG: Jemangan an·tangtangko HNLC-na kosakgilgil kam ka·giparang ong·a ine a·kanggipa sak bri manderangko East Jaintia Hills police rim·ani ru·utgijaan Khliehriat Police Reserve-ni EID boma gopretani a·selko sandimitingo East Jaintia Hills Khliehriat-ni coke factory-o IED bomako gopretatna amgipao aro 2019 bilsio HNLC-ni nisanko badalao jak donggipa sakgni HNLC-ni manderangko rim·a man·taiaha, police aganaha.
Koboro aganao, mamlako sandikuenga aro sandigipa dol ua a·selo jak donggipa bobil dolni gipin memborrangkoba rim·na sandienga ine uamang aganaha.
East Jaintia Hills Police skango Khliehriat Police Reserve-o IED gopretao jemangan jak donga HNLC-na kosakgilgil kam ka·gipa sak bri manderangko rim·aha.
Dosi dakgipa manderangni aganani gita uamang pilakan gari bolsako gadoaha aro IED bomako dona Police Reserve-ona re·angaha.
July 13 aro 14 walni gimin sing·ao aganani gita uamang bomako gopretataha jeni a·selan police nok te·sa nosto ong·aha aro police saksa saknaako man·aha.
Indake janapna man·a HNLC, rim·a man·gipa sakbri bobil doloni ba kosakgilgil kamko ka·giparang ong·na nanga.