Pvt hospitalrango Covid sagipako sananio dam rakanina Sawkmie suk ong·gijaniko paraka

SHILLONG: Shillong songjinmani privat hospitalrango COVID sagiparangko sananio dam rake ra·engani gimin Opposition chief whip, PT Sawkmie, uni suk ong·gijaniko parakaha.
Ia COVID sajinmani somoi ong·ani gimin Covid sagipako sananio komigenkon ine uamang ka·dongachim indiba rasong grie private hospital-rango damrangko komiatna maming chanchiani dongjaha, Pa Sawkmie aganaha.
Private hospitalrango Covid sagiparangko sanani damrangko A·dok Sorkarini parakani ja·mano Sawkmie iako aganchakataha.
Gital dake damrangko tik ka·e parakatgipao gita salprakna High Dependency Unit-o Tg. 5,500, ICU-o ventilator gri Tg. 8,700, ICU-o non-invasive ventilator baksa Tg. 9,000, ICU-o invasive ventilator baksa Tg. 9,300, paediatric ICU-o Tg. 8,000 aro neo-natal ICU-o Tg. 7,000 dake tangkarangko ra·enga.
Tangkarangna jajrengenba bang·a kangal cholgri nokdangrangan hospitalrangona sagiparangko ra·angtokjaenga, unigimin man·dapaninasan rikaigija dangdike on·ani gisik baksa mande jatna dakchakchina gitaba Pa Sawkmie, private Hospital-rangko mol·molaha.
Health department-ni Commissioner aro Secretary, MN Nampui agana je, DHS (MI) Dr. Aman War-ni skotong ong·e re·dilgipa committee-ni report-ko man·soani ja·mano, private hospitalrango COVID sagiparangko sanani korosrangni bidingo department chanchianiko dakaha.
Nampui indakeba agnaha je, health department, a·doko COVID sabisiko champengna aro komiatna gita dingtang dingtang cholrangko ra·gate kamrangko ka·enga.
Unomitingo, health Department-ni Principal Secretary, Sampath Kumar indake aganaha je MHIS-ni tangkarangko dabigiparangoni 56 percent-de private hospital-rangonin ong·a. COVID sagiparangko private hospitalrango badita dam ra·e uarangko sandina gita A·dok sorkari re·anggipa June 18 tariko committee-ko songahachim.

Get real time updates directly on your device, subscribe now.

Comments are closed.