Tura-o COVID man·giparang batroroengkua

TURA: Tura jillani dingtang dingtang biaprango salantian COVID-19 man·giparang batroroenga aro uandaken Dobasipara aro Araimile jolrangoba COVID man·giparang bang·ahani gimin West Garo Hills a·jani District Administration, Bristibar sal dipet, Dobasipara jolko aro Araimile bazar-oni Home Guard office-ona containment zone-ko ra·gatangaha.

West Garo Hills a·jani Deputy Commissioner Ram Singh-ni u·iatani gitade, ia biaprangko containment zone dakengmiting somoio gipin biaprangoni manderang ia biaprangona re·bana man·jawa aro ia biaprango donggipa manderangba biaptangtangoni ong·katna man·jawa.

Ia biaprangko containment zone dakengmiting somoio ia jolo donggipa pilak dokkan, office aro uandakgipa pilak biaprangkon chipe donna nanggen aro ia somoirango health department-ni manderang, ia jolrango songdongenggipa gipin manderangkoba porikka ra·e nianggen ine DC u·iataha.

Iana skang, Tura jillani ning·o donggipa gipin gittimrang, chong·motan Dakopgre, Burny Hills, Spring Hills, Wadanang, Matchakolgre aro Modynagar gittimrangkoba district administration, containment zone dakatahachim ine nikna man·a.

Get real time updates directly on your device, subscribe now.

Comments are closed.