SHILLONG: Re·anggipa July-ni 22 tariko A·chik me·chik sakgniko North Garo Hills-ni ning·ogipa Adokgreni PWD Dak Bungalow-ona rimange kal·akaha ine PWD-ni junior engineer-ko matnangenba, Mothers Union, GSU, Garo Land State Movement Committee (GSMC) ugita gipin dolrang Sombar salo, A·dokgreo re·jome jegalgrimaniko dakangaha aro ia jinma re·jomanio hajal bate manderang bakko ra·tokaha.
A·chik me·chikrangko darangba kal·ake dari noti dakaona sokatpajachina gita mikrakataniko on·na miksonge NGO-rang re·jomaniko dakangaha.
NGO-rangni janape seatani gitade, ia officer batanggimin somoirangoba iandake me·chik bi·sarangko kragija dake kal·akrongachim.
“Uni indakgipa ong·gija kamko chinga nikna sikja, ua Garo Hills-ni bako kamko ka·angkuna kraja. Chingni nogipa abitangrangna chel·chakaniko nanga,” ine GSU Adokgre Unit parakataha.
Ia officer-ko me·chik kal·aka ine matnange, uni dongchakgipa biapona re·ange chadrapeahani gimin North Garo Hills a·jani police-rang, re·anggipa Bristibar walo mande sakgittamko rim·ahachim ine nikna man·a.
Me·chik sakgniko kal·aka ine matnange officer saksani kosako jegalgrima
Date:
Share post:
