TURA: Meghalaya Board of School Education (MBOSE)-ni bilsianti ong·atrongenggipa Higher Secondary School Leaving Certificate (HSSLC) Science, Commerce aro Vocational stream porikkani result-rangko mijal Sukrobar salo parakataha.
Science aro Commerce stream minggnion Shillong aro Khasi-Jaintia Hills a·jao donggipa skulrang, Top 10-ni biaprangko ra·gopaha aro Science stream-ni result-o Garo Hills-oni saksakamkam candidate, Top 10-ni chetgipa biapko man·rikpaaha.
Science stream-ni result-o Tura Don Bosco College (Higher Secondary Section)-ni Saurav Modak, gimik 462 mark-rangko man·e Top 10-ni chegipa biapko man·rikpaaha.
Ia bilsioba Science porikkao Shillong-ni St Anthony’s Higher Secondary School, Top 10-ni biap damsniko chegoptaiaha.
Ia Science porikkani Top 10-o biapko man·rikgipa chatro chatrirangara, skanggipa position-o Rachoita Das (St Anthony’s), gnigipa biapo Akash Paul (St Anthony’s), gittamgipa biapo Luigi Dalian Paswet (North Liberty Higher Secondary School, Jowai), brigipa biapo Abhinav Dey (St Anthony’s), bongagipa biapo Rahul Paul (St Anthony’s), dokgipa biapo Dimarkithmu Gayang (St Anthony’s), snigipao Pratik Das (St Anthony’s) aro Bamedari Palei (St Edmund’s HS School, Shillong), chetgipao Saurav Modak (Tura Don Bosco College, HS Section), skugipao Shouvik Ghosh (St Anthony’s) aro 10-gipa biapo Vakkalagadda Drishti Rao (St Edmund’s Sec School, Shillong) ong·a.
Commerce porikkani result-o Top 10-o pass ka·anggipa chatro chatrirangara, skanggipa position-o Debraj Nag (Laban Bengalee Boys HS School, Shillong), gnigipao Sanjana Singhania (St Anthony’s), gittamgipao Roshan Tiwari (Adventist HS School, Thadlaskein), brigipao Gaurav Paul (Nongthymmai Nepali HS School, Shillong) aro Sweety Paul (St Anthony’s), bongagipao Vidhita Chetri (St Anthony’s), dokgipao Arifful Sheikh (St Anthony’s) aro Raj Deb (Umshyrpi College, Shillong), snigipao Aman Rai (Nongthymmai Nepali HS School, Shillong), chetgipao Avneet Kaur Tedwal (St Anthony’s) aro Elfie Wanniang (Anderson HS School, Upper New Nongstoin), skugipao Nathaniel Elizer Nongkynrih (St Anthony’s) aro Hame Datei Skhem Lawai (St Edmund’s HS School, Shillong) aro 10-gipao Ekta Sharma (St Anthony’s) aro Gayatri Saptoka (St Anthony’s) ong·skaaha.
Garo Hills-o Science stream-ni pass percentage-ara, South Garo Hills 100%, South West Garo Hills 91.67%, North Garo Hills 74.36%, West Garo Hills 65.15% aro East Garo Hills 61.61% ong·a. Commerce stream-ni pass percentage-ara North Garo Hills-o 81.48%, East Garo Hills-o 77.59%, West Garo Hills-o 71.70% indiba South Garo Hills aro South West Garo Hills a·jarangode commerce stream-rang dongkujani a·sel porikka segipa candidate-rang dongskajaha.
