SHILLONG: India a·songni niam-bidiko donggipa 8-gipa schedule-o Meghalaya-ni mongsonggipa ku·sikrang, chong·motan Khasi aro Garo ku·sikrangko ra·chape office-o choligipa ku·sik dake jakkalna ine Meghalaya Legislative Assembly-ni batanggimin chango Assembly-o chanchirime ra·gatanggimin resolution-rangko ma·mong ra·chakkujaengani gimin opposition chief whip aro MLA, PT Sawkmie an·tangni suk ong·gijako parakaha.
A·songni niam-bidikogipa 8-gipa schedule-o Khasi aro Garo ku·sikrangko ra·napchina ine Meghalaya Legislative Assembly-ni resolution ra·gimino pangchake dabie Shillong-ni MP, Vincent H Pala-ni sing·doanina Union Minister of State for Home Affairs, Nityanand Rai-ni aganchakanina MLA, PT Sawkmie suk ong·chakjaha, maina Meghalaya-ni ra·gatgimin resolution-rang mingsa siksikkoba ma·mongni gita ra·chakangan dongkujaengachim.
Sawkmie-ni mejal Sonibaro an·tangni suk ong·gijaniko parakatengon, Khasi ku·sikko eight schedule-o ra·chakchina ine a·dokni manderang dabiengani bidingo sing·on, uni aganchakgipa kattarangna kusi ong·jaha.
Dingtang dingtang kamrangni bidingo Meghalaya Legislative Assembly-ni ra·gatanggimin resolution-rang mingprakprakkon ma·mong sorkari ra·chakkujaenga.
Apsandake, ma·mong da·o dipetba Meghalaya Assembly-o ILP-ni bidingo resolution pas ka·giminni bidingoba namedake aganchakani dongkujaenga. Iani bidingo Meghalaya Assembly changgnina kingking nipiltaianiko dake resolution-ko ra·gatahaoba, uko ra·chakkujaenga ineba PT Sawkmie an·tangni suk ong·gijako parakaha.
8-gipa Schedule-o Khasi ku·sikko ra·chakjana MLA PT Sawkmie suk ong·ja
Date:
Share post:
